Jiyana Min - Golda Meir

Golda Meir siyasetmedara israîlî û çaremîn û heta niha tekane serokwezîra Israîlê (1969-1974). Li Kievê hatiye dinyayê, di 1906an de malbata wê koçî Amerîkayê kir. Di temenekî ciwan de bû endameke çalak a Partiya Sosyalîstên Siyonîst. Di 1921ê de wê û mêrê xwe koçî Filistînê kirin. Pêşî li kibbutza Merhaviayê xebitî. Ji sala 1928an heta Şerê Duyemîn ê Cîhanê di Federasyona Giştî ya Karkeran (Histadrut) de xebitî. Dema şer, wek nûnereke xurt û biryardar a doza Siyonîst derket pêş di mizakereyên bi rayedarên brîtanî yên mandaya Filistînê re. Di 1946an de bû seroka Beşa Siyasî ya Ajansa Cihûyan û ji bo anîna gelek penaberên cihû yên ewropî ku ji şer sax filitîbûn, xebitî.